شهاوي سيدي رمضان مع رزوقة

سيدي رمضان ما أكثر شهاويك

مرحبا بيكم بش نحكيو على شهاوي سيدي رمضان
سهرية الخميس 25 جوان الساعة العاشرة ليلا
مع الأستاذ عبد الرزاق الفقي "رزوقة"
بالنادي الثقافي الطاهر الحداد

رمضانكم مبارك
كيدخل سيدي رمضان وحتى قبلو بأيامات نوليو نتشهاو وخصوصا الرجال ...

نعديو النهار نقضيو ، كل شيء يعجبنا ... شوية من هذا وشوية من هذاكة وبرشة من الآخر ... نعديو العشيا وآحنا نصنفوا وبعد نحطوا الطاولة ... هاو آذان المغرب قرب.
وبعد نسميو باسم لله ... وم انجموش ناكلو شهاوينا ... وتقعد برشة من الماكلة على حالها ...
ومن غدوة كيف كيف ، حتى يوفا الشهر ..

آهو بريك باللحم ، آهي شربة زعرة بالدجاج العربي ، آهو صحين قناوية بالبرشني وفيها بصيلات صغار وقرينات فلفل موزوزين وبعدو طريف معقودة بالتن متاع سيدي داود ومع المعقودة سليطة بالطماطم والفقوس وتفاح قارس متاع جربة وإلي ما يحبش السلاطة النية عندو السلاطة المشوية على الفحم ومفوحة بالكروية وعائمة في زيتها ...
وبعدهم الكل كويس تاي منعنع ...وبعد المروقات الكل نحليو بكعيبات صمصة بالجلجلان وإلا بريكة حلوة حتى تجي السهرية بالبوزة ...

سهرية الخميس 25 جوان الساعة العاشرة ليلا
مع الأستاذ عبد الرزاق الفقي "رزوقة"
بالنادي الثقافي الطاهر الحداد