قل لي قصتك و سوف أعطيك ماسك أحلام

كل واحد و حكايتو .. فما حكايات تتولد معانا . و حكايات نخلقوها بيدينا . فما حكايات مخبية في كلام عشقة قديمة و حكايات دفناها مع وردة مسكرة عليها أوراق كتاب . حكاية موت و فرحة و غنايات مصورة في عينين الأحباب. حكاية فيلم .. و سعات أفلام و حكايات حققناها بعد إلي كانت مجرد أحلام. أحكيلي .. أحكيلي و عبر . عبر علي قال عبر علي كتب عبر علي حكم عبر علي هجر عبر علي تجبر . عبر عليك . و عليا و علينا . عبر و أحكيلي .. و موش أنا إلي نحكم عليك و علينا . أحكيلي و نسمع علاه تخلي الكتاب يتسكر ! أحكيلي و تذكر..