سهرة مسك الليل 3

تونس ضحكة على وجه صبية
غزرة ضايعة وراء سفساري متخبية
تونس شلاغم وبوسة خالة مع جبة قمراية وشاشية..
تونس حلمة في زناقي المدينة
و نوارة حمرة في جنينة
حمرة كي دمنا وبيضا كي قلوبنا وفي قلوبنا مزروعة ومحمية
تونس ريحة مسك الليل اللي تفوح
ونغمة مالوف ترجع الروح
في ليلة من ليالي رمضان ، لمة مع الاحباب وسهرية
يحكيو على اللمة اللولا،قلك بدعة ومن وراء الخيال
اللمة الثانية تعدات عال العال
حوتة وخمسة وقرن غزال
بجاه السيدة المنوبية
الليل و طاح
ومسكو راهو فاح
بقهيوة عربي
سرها مخبي
في غزرة راجل
وضحكة بنية
واللي عجبتو العادة
لمتنا تنعاد صيف السنا زادة
ياخويا حلّي رمضانك ،البس جبتك ولا قفطانك ،وتفضّل بحذانا في مسك الليل 3 نهار" 26 جوان" في" دار بوراوي" ،عليك 30 د والباقي كلّو علينا..